|
|
Nýtt fólk í
stjórn Samlífs og vel heppnað fræðsluerindi
Á
aðalfundi Samlífs sem haldinn var laugardaginn 21.
apríl 2012 urðu breytingar á stjórn
félagsins. Jóhann Guðjónsson, Flensborg,
sem hefur verið stoð og stytta félagsins undanfarin
ár baðst undan áframhaldandi setu í
stjórn. Jóhann hefur starfað meira og minna
með félaginu í um 20 ár. Að auki
gekk úr stjórn Ólafur Örn Pálmarsson,
Laugalækjarskóla. Ester Ýr
Jónsdóttir, FSu, var endurkjörin formaður, Arnar
Pálson,HÍ, og Rúna Björk
Smáradóttir, FÁ, voru einnig
endurkjörin. Í stað þeirra Jóhanns
og Ólafs voru kjörnar þær Halla
Sigríður Bjarnadóttir, Flúðaskóla,
og Hólfríður Sigþórsdóttir,
Flensborg. Stjórnin mun skipta með sér verkum
á næsta stjórnarfundi.
Sú nýbreytni var þetta árið að
boðið var upp á fræðsluerindi í lok
aðalfundar. Alls sóttu 16 félagar
aðalfundinn og tveir bættust við til að
hlýða á fræðsluerindið en það
var Dr. Hannes Petersen, yfirlæknir á háls-, nef-
og eyrnadeild Landsspítalans og dósent við HÍ,
sem fræddi okkur um heilann, taugakerfið, byggingu innra eyra
og sjóveiki svo eitthvað sé nefnt.
Aðalfundur
Samlífs
Boðað
er til aðalfundar Samlífs laugardaginn 21. apríl
kl.11:00. Fundurinn
fer fram á Litlubrekku í húsi bak við
veitingahúsið
Lækjarbrekku, Lækjargötu í
Reykjavík. Dagskrá: Venjuleg
aðalfundarstörf. Boðið verður upp á
fræðsluerindi að hádegisverð loknum.
Samlíf býður til
hádegisverðar, þeir sem óska að vera
með (allir líffræðikennarar eru
meira en velkomnir) eru beðnir um að senda formanni boð
á netfangið:
esteryr(hjá)gmail.com fyrir 17. apríl 2012 (vegna
fjölda í matnum).
Námskeið
um lífeðlisfræði mannsins, 14. - 16.
júní 2011
Námskeiðið
er ætlað öllum líffræðikennurum
á grunn- og framhaldsskólastigi.
Dagskrá námskeiðsins má
sjá hér.
Umsóknarfrestur er til 1. júní 2011.
Fjöldi
umsækjenda á þeim degi ræður
því hvort námskeiðið verður haldið
eður ei. Hægt er að sækja um
námskeiðið með því að senda
póst á netfang formanns, esteryr (hjá) gmail.com
eða
hjá Endurmenntun
Háskóla Íslands.
Eldri fréttir
|
|
