Sumarnámskeið Samlífs í ár er tileinkað ónæmisfræði og verður haldið dagana 14. – 16. júní.
Námskeiðið er ætlað líffræðikennurum á öllum skólastigum sem fjalla um mannslíkamann, varnir hans og heilbrigðan lífstíl. Námskeiðið fellur vel að grunnþáttum menntunar um heilbrigði og lífstíl.
Meginmarkmiðið er endurmenntun á sviði ónæmisfræða, fræðsla um nýjar rannsóknar niðurstöður, tengslamyndur við rannsakendur, rannsóknarstofnanir og fagkennara. Námskeiðið felst í fyrirlestrum um ónæmiskerfið; hlutverk þess í vörnum líkamans, sjúkdóma þar sem ónæmiskerfið gegnir lykilhlutverki, greiningu og meðferð, áhrif erfða og kynningu á ýmsum rannsóknum.
Fjallað verður um helstu frumur og ferli í varnarkerfi mannslíkamans, sjálfsofnæmissjúkdóma og nýjungar í greiningu og meðferð, ofnæmi og asthma, fæðuofnæmi, sumarexem í hrossum og áhrif erfða á ónæmissjúkdóma. Þá verður fjallað um bólusetningar og varnir gegn sjúkdómum í mönnum og dýrum. Í fyrirlestrunum verða einnig kynntar ýmsar nýjar rannsóknir. Farið verður í vettvangsferðir á Ónæmisfræðideild Landspítalans, Tilraunastöð Háskólans í Meinafræði á Keldum og Íslenska erfðagreiningu.
Kennarar/fyrirlesarar:
Dr. Ingileif Jónsdóttir, prófessor í ónæmisfræði við Læknadeild Háskóla Íslands, forstöðunáttúrufræðingur við ónæmisfræðideild Landspítala – háskólasjúkrahúss (LSH) og deildarstjóri smit- og bólgusjúkdóma hjá Íslenskri erfðagreiningu.
Dr. Björn Rúnar Lúðvíksson, prófessor í ónæmisfræði við Læknadeild Háskóla Íslands, yfirlæknir við ónæmisfræðideild Landspítala – háskólasjúkrahúss (LSH).
Dr. Jóna Freysdóttir, prófessor í ónæmisfræði við Læknadeild Háskóla Íslands, forstöðunáttúrufræðingur við ónæmisfræðideild Landspítala – háskólasjúkrahúss (LSH).
Dr. Sigurbjörg Þorsteinsdóttir, ónæmisfræðingur, deildarstjóri Veiru- og sameindalíffræðideildar, Tilraunastöð Háskólans í Meinafræði, Keldum.
Dr. Stefanía P. Bjarnarson, ónæmisfræðingur, verkefnisstjóri við ónæmisfræðideild Landspítala – háskólasjúkrahúss (LSH) og nýdoktor við læknadeild Háskóla Íslands
Dr. Sigurveig Þ. Sigurðardóttir, sérfræðingur í barnalækningum og ónæmisfræði við ónæmisfræðideild Landspítala – háskólasjúkrahúss (LSH) og klínískur dósent við Læknadeild Háskóla Íslands.
Dr. Þórólfur Guðnason, sérfræðingur í barnalækningum og smitsjúkdómum og Sóttvarnarlæknir og sviðsstjóri hjá Embætti Landlæknis.
Námskeiðið verður haldið í Fjölbrautarskólanum við Ármúla.
Námskeiðsgjald (staðfestingargjald) er 5.000 kr. Innifalið auk fyrirlestra eru veitingar í kaffihléum og hádegisverður alla dagana.
Umsóknarfrestur vegna skráningar: 1. maí 2016. Skráning fer fram á vef RannÍs eða með því að senda póst á Samlíf, liffraedikennarar@gmail.com.
Drög að dagskrá námskeiðs
- júní, þriðjudagur.
09:00 – 10:30 Ónæmiskerfið, hlutverk og starfsemi.
10:30 – 10:45 Kaffi.
10:45 – 12:15 Sjálfsofnæmissjúkdómar, greining, meðferð og rannsóknir.
12:15 – 13:00 Hádegisverður.
13:00 – 14:30 Ónæmisbilanir, greining, meðferð og rannsóknir.
14:30 – 14:45 Kaffi.
14:45 – 16:00 Rannsóknastofa í ónæmisfræði, LSH, heimsótt.
- júní, miðvikudagur.
09:00 – 10:30 Bólusetningar, varnir gegn sýkingum í mönnum I.
10:30 – 10:45 Kaffi.
10:45 – 12:15 Bólusetningar, varnir gegn sýkingum í mönnum II.
12:15 – 13:00 Hádegisverður.
13:00 – 14:30 Ónæmissjúkdómar í dýrum og varnir gegn þeim.
14:30 – 14:45 Kaffi.
14:45 – 16:00 Tilraunastöð Háskólans í Meinafræði, Keldum.
- júní, fimmtudagur.
09:00 – 10:30 Erfðafræði ónæmissjúkdóma.
10:30 – 10:45 Kaffi.
10:45 – 12:15 Skólaheimsókn um Ármúlaskóla / umræður.
12:15 – 13:00 Hádegisverður.
13:00 – 14:30 Ofnæmissjúkdómar, greining, meðferð og rannsóknir.
14:30 – 14:45 Kaffi.
14:45 – 16:00 Íslensk erfðagreining, vettvangsferð.
Umsjónarmaður/tengiliður: Hólmfríður Sigþórsdóttir (holmfridur@flensborg.is)